Գերագուսյանի «Սանդեռլենդը» դուրս է եկել Պրեմիեր լիգայի գավաթի եզրափակիչ 🎥

Անգլիայի Պրեմիեր լիգայի գավաթի խաղարկության կիսաեզրափակիչում «Սանդեռլենդ» Մ21-ը սեփական դաշտում 4:2 հաշվով հաղթել է «Բլեքբեռնի» հասակակիցների թիմին։

«Սև կատուներից» դուբլ է գրանցել Ջեք Ուիթաքերը, մեկական գոլ խփել են Ջեյդոն Ջոնսն ու Հարիսոն Ջոնսը։ Հյուրերից աչքի են ընկել Ջո Բոգանը և Բրենդոն Փաուելը։

«Սանդեռլենդից» հանդիպմանը մասնակցել է նաև Հայաստանի ազգային հավաքականի նորեկ, հարձակվող Ֆին Գերագուսյանը։

Գրեմ Մյուրթիի գլխավորած թիմը դուրս է եկել մրցաշարի եզրափակիչ, որտեղ կմրցի «Բարնլիի» Մ21 թիմի դեմ։ Հանդիպման ժամանակացույցը կհաստատվի ավելի ուշ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml