Բրայթոնի կատարյալ ֆիասկոն! Լութոնը ջախջախեց «ճայերին» 🎥

Անգլիական Պրեմիեր լիգայի 22-րդ տուրում հետնապահների թվում ընթացող «Լութոն Թաունը» սեփական մարզադաշտում մրցեց «Բրայթոնի» դեմ։

Տանտերերը պարզապես շոկի ենթարկեցին «ճայերին»` մրցակցին ջախջախելով 4:0 հաշվով։

Ռոբ Էդվարդսի թիմից փայլեց Էլեյջա Ադեբայոն` դառնալով հեթ-տրիկի հեղինակ։

26-ամյա հարձակվողը Պրեմիեր լիգայի ընթացիկ խաղարկությունում անցկացրած 22 խաղում խփել է արդեն 8 գոլ և իր թիմի լավագույն ռմբարկուն է։

«Լութոնի» կազմից մեկ գոլ էլ խփեց Չիդոզի Օգբենեն։

Նշենք, որ «Լութոնը» հյուրերի դարպասը երկու գոլ ուղարկեց հանդիպման մեկնարկային 3 րոպեների ընթացքում։

Այս հաղթանակից հետո «Լութոն Թաունը» վաստակեց 19 միավոր` բարձրանալով 17-րդ հորիզոնական։

Ռոբերտո Դե Ձերբիի թիմը, 32 միավորով, 8-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am