Բենզեմայի ֆանտաստիկ բենեֆիսը. Ալ Իթիհադը հաղթեց Աբհային 🎥

Սաուդյան Արաբիայի Պրո լիգայի 13-րդ տուրում «Ալ Իթիհադը» սեփական հարկի տակ մրցեց «Աբհայի» դեմ։

Գոլառատ խաղում «Ալ Իթիհադը» 4:2 հաշվով հաղթեց մրցակցին։

Հանդիպման հերոս դարձավ «Ալ Իթիհադի» հարձակվող Կարիմ Բենզեման, ով դարձավ հեթ-տրիկի և մեկ գոլային փոխանցման հեղինակ` օգնելով աչքի ընկնել նաև Իգոր Կորոնադոյին։

Նշենք, որ Բենզեման «Ալ Իթիհադի» կազմում առաջին անգամ է դառնում հեթ-տրիկի հեղինակ և Պրո լիգայի շրջանակում անցկացրած 11 խաղում խփել է արդեն 8 գոլ։

«Աբհայի» կազմից աչքի ընկան Կարլ Տոկո Էկամբին ու Ֆահադ Ջումայահը։

Այս հաղթանակից հետո «Ալ Իթիհադը» վաստակեց 24 միավոր` բարձրանալով 5-րդ հորիզոնական։

«Աբահը», 13 միավորով, 13-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am