Բարտոմեուն նշել է այն ֆուտբոլիստներին, որոնք անձեռնմխելի են
19/08/2020 - 01:46
«Բարսելոնայի» նախագահ Խոսեպ Մարիա Բարտոմեուն նշել է այն ֆուտբոլիստների անունները, որոնց ակումբը ոչ մի դեպքում չի պատրաստվում վաճառել։
«Լեո Մեսսին ֆուտբոլի պատմության լավագույն ֆուտբոլիստն է, սակայն կան ևս այլ ֆուտբոլիստներ, որոնք ոչ մի դեպքում չեն վաճառվելու։
Մարկ-Անդրե Տեր Շտեգեն, Ֆրենկի դե Յոնգ, Նելսոն Սեմեդու, Ուսման Դեմբելե, Անտուան Գրիզման, Կլեման Լենգլե։ Այս ֆուտբոլիստներն անձեռնմխելի են և նրանց վրա հույս ենք դնում։ Նրանք այստեղ են, որպեսզի «Բարսայում» երկար տարիներ անցկացնեն։
Տեր Շտեգենը նոր պայմանագիր է կնքելու ակումբի հետ և շարունակելու է մեզ հետ իր մրցելույթները, նա ֆանտաստիկ դարպասապահ է։
Ֆիլիպե Կոուիտինիոն, հնարավոր է, մնա «Բարսայում»։ Նրա ապագան կորոշի մարզիչը»,- նշել է Բարտոմեուն, ում խոսքերը մեջբերում է Mundo Deportivo-ն։
# Անտուան-Գրիզման, Բարսելոնա, Լեո Մեսսի, Խոսեպ Մարիա Բարտոմեու, Կլեման Լանգլե, Մարկ-Ադնրե Տեր Շտեգեն, Նելսոն Սեմեդու, Ուսման-Դեմբելե, Ֆրենկի-դե-Յոնգ