Բարսելոնայի հարձակվողը Իսպանիայի քաղաքացիություն կստանա

«Բարսելոնայի» հարձակվող Անսումանե (Անսու) Ֆաթին Իսպանիայի Թագավորության քաղաքացիություն կստանա:

Այս մասին հայտնում է AS-ը՝ հավելելով, որ 16-ամյա հեռանկարային ֆուտբոլիստը կհրավիրվի Իսպանիայի Մ-17 հավաքական և կմասնակցի աշխարհի առաջնությանը:

Ֆաթին, ով Գվինեա-Բիսաուից է, առաջարկ ուներ նաև Պորտուգալիայի ֆեդերացիայից, բայց ընտրել է Իսպանիան:

«Բարսելոնայի» հիմնական կազմում Ֆաթին արդեն մասնակցել է 3 հանդիպման՝ դառնալով 2 գոլի և 1 գոլային փոխանցման հեղինակ: