Բարսելոնայի կականց թիմը Լա լիգայի մեկնարկային 5 խաղերը հաղթել է ընդհանուր 35:1 հաշվով

Բարսելոնայի կականց թիմը Լա լիգայի մեկնարկային 5 խաղերը հաղթել է ընդհանուր 35:1 հաշվով

02/10/2021 - 17:11

Լա լիգայի կանանց առաջնության 5-րդ տուրի մեկնարկային խաղում «Բարսելոնան» 9:1 հաշվով քարե քարի վրա չի թողել «Ալավեսին»։

Կատալոնական ակումբի կազմից մեկական անգամ աչքի են ընկել Բրունա Կոստան, Լիկե Մարտենսը, Անա-Մարիա Ցրնոգորչևիչը, Մարիոնա Կալդենտեյը, Կարոլինա Հանսենը, Մելանի Սերանոն, Կլաուդիա Պինան, Յանա Ֆերնանդեսը և Ասիսատ Օշոալան։

«Ալավեսի» միակ գոլն էլ գրանցվել է Ջորդան Կլարկի անվան դիմաց։

Հատկանշական է, որ «բլաուգրանասի» կանանց թիմի համար նման հաշվով հաղթանակները դարձել են օրինչափ և զարմանք չեն առաջացնում։

Բանն այն է, որ Լա լիգայի մեկնարկային 5 խաղերում «Բարսելոնայի» կանանց թիմը մրցակիցներին հաղթել է ընդհանուր 35:1 հաշվով և, վաստակած 15 միավորով, վստահ գլխավորում է մրցաշարային աղյուսակը։

Մինչ այս խաղը Ջոնաթան Խիրալդեսի սաները հաղթել են նաև «Տեներիֆեին» (5:0), «Բետիսին» (5:0), «Վալենսիային» (8:0) և «Վիլյառեալին» (8:0)։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023