Բալոտելի. «Իտալիայում ինձ հիշում են միայն, երբ հավաքականը պարտվում է»

Թուրքական «Ադանա Դեմիրսպորի» հարձակվող Մարիո Բալոտելին խոսել է Իտալիայի հավաքականի` աշխարհի առաջնության որակավորման փուլը չհաղթահարելու մասին.

«Ինձ համար ցավոտ է, սակայն ոչ այն պատճառով, որ ինձ չէին հրավիերել հավաքական` մասնակցելու Հյուսիսային Մակեդոնիայի և Թուրքիայի դեմ հանդիպումներին։

Աշխարհի առաջնությունը դեկտեմբերին է, և կարծում եմ, որ հավաքականին կարող էի օգնել նաև այդ ժամանակ։

Ըստ իս` ես լավ հնարավորություն ունեի ինձ դրսևորելու, սակայն արդեն ամեն ինչ ուշ է։ Շատ վատ է Իտալիային չտեսնել աշխարհի առաջնությունում։

Այդուհանդերձ, Իտալիայում իմ մասին հիշում են միայն, երբ հավաքականը պարտվում է։

Այժմ հեշտ է ասել, որ խաղից առաջ իմ մասին ոչ ոք չի հիշել»,- 31-ամյա ֆուտբոլիստի խոսքերը մեջբերում է Sky Sports Italia-ն։

Հիշեցնենք, որ աշխարհի 2022 թ. առաջնության ՈՒԵՖԱ-ի գոտու որակավորման փլեյ-օֆֆ փուլի շրջանակում Իտալիայի հավաքականը սեփական հարկի տակ 0:1 հաշվով պարվեց Հյուսիսանին Մակեդոնիային ու լքեց հետագա պայքարը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am