Արսեն Զախարյանը մոտ է անգլիական գրանդի շարքերը համալրելուն

«Դինամո Մոսկվայի» կիսապաշտպան Արսեն Զախարյանը, ամենայն հավանականությամբ, կարիերան կշարունակի «Չելսիի» կամզում։

Ինչպես տեղեկացնում է ինսայդեր Ֆաբրիցիո Ռոմանոն, «ազնվականները» լրջորեն հետաքրքրված են 19-ամյա ֆուտբոլիստի ծառայություններով։

Լոնդոյնան ակումբն անցնող ժամերին գործարքի հարցում առաջին պաշտոնական առաջարկն է կատարել «Դինոմային», որի դիմաց պատրաստ է վճարել 15 մլն եվրո։

Ռոմանոն, հղում կատարելով RB Sport-ին, մեջբերում է Զախարյանի գործակալ Պավել Անդրևի խոսքերը. «Այո՛, դա ճիշտ է։ Համաձայնությունը շատ մոտ է»։

Մեկ այլ ինսայդեր Նիկոլո Սկիրան Twitter-ի իր միկրոբլոգում գրում է, որ գործարքը շատ մոտ է կայանալուն և վերջնական փուլում է։

Դրան զուգահեռ, «Չելսին» Զախարյանի հետ 6 տարվա պայմանագիր է համաձայնեցրել` մինչև 2028 թ. հունիսի 30-ը։

Նշենք, որ Զախարյանը «Դինամոյի» սան է, որի կազմում անցկացրած 52 խաղում դարձել է 13 գոլի և 16 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am