Արսենալը համաձայնության հասավ Ռեալի հետ

«Ռեալի» կիսապաշտպան Մարտին Էդեգորը կարիերան կշարունակի «Արսենալի» կազմում։

Ինչպես տեղեկացնում է իտալացի ինսայդեր Ֆաբրիցիո Ռոմանոն, երկու ակումբները նորվեգացի ֆուտբոլիստի տրանսֆերի հարցում հասել են վերջնական համաձայնության։

«Զինագործները» 22-ամյա ֆուտբոլիստի դիմաց վճարելու են մոտ 40 մլն եվրո` նրա հետ կնքելով պայմանագիր մինչև 2026 թ. հունիսի 30-ը։

Ռոմանոն գրում է նաև, որ կողմերը գործարքի մասին պաշտոնապես կհայտարարեն շատ շուտով։

Այսիսով, Մարտին Էդեգորը վերադառնում է «Արսենալ», որի կազմում վարձավճարով հանդես է եկել 2020/21 մրցաշրջանի երկրորդ հատվածում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am