Ատլետիկոն ճախրում է` գերխոշոր հաշվով ջախջախելով Սելթիկին 🎥

Չեմպիոնների լիգայի 4-րդ տուրում «Ատլետիկո Մադրիդը» E խմբի շրջանակում սեփական հարկի տակ մրցեց «Սելթիկի» դեմ։

«Հնդկացիները» պարզապես փայլուն հանդիպում անցկացրին` «կելտերին» ջախջախելով 6:0 հաշվով։

Հանուն արդարության` նշենք, որ շոտլանդական ակումբը 23-րդ րոպեից խաղում էր 10 ֆուտբոլիստներով. դաշտից հեռացվեց ճապոնացի հարձակվող Դայզեն Մայեդան, ինչից հետո «Սելթիկը» բաց թողեց 5 գոլ։

Դիեգո Սիմեոնեի թիմի կազմից դուբլի հեղինակ դարձան Անտուան Գրիզմանն ու Ալվարո Մորատան, իսկ Սամուել Լինոն ու Սաուլ Նիգեսն աչքի ընկան մեկական անգամ։

E խմբում կայացել է ևս մեկ հանդիպում.

«Լացիո» 1:0 «Ֆեյենորդ»

Խումբը 4-րդ տուրից հետո ստացավ հետևյալ տեսքը.

1. «Ատլետիկո» – 8 միավոր
2. «Լացիո» – 7
3. «Ֆեյենորդ» – 6
4. «Սելթիկ» – 1

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am