Առբելոան իր հետ նոր ակումբ կարող է տանել «Ռեալի» շատ խաղացողների

Մադրիդի «Ռեալի» արդեն նախկին գլխավոր մարզիչ Ալվարո Առբելոան նոր ակումբում աշխատանքի անցնելու դեպքում կկարողանա պայմանագիր ստորագրել «Լոս բլանկոսի» մի շարք խաղացողների, հաստատում է Marca-ն։

Մադրիդյան գրանդը 43-ամյա մասնագետին թույլ կտա պայմանագիր ստորագրել ակումբի երիտասարդական թիմի` «Կաստիլիայի» ֆուտբոլիստների հետ։ Իսպանացի մարզիչը մեծ հարգանք է վայելում երիտասարդ խաղացողների շրջանում։

«Արքայական ակումբից» կարող են հեռանալ Գոնսալո Գարսիան, Սեսար Պալասիոսը, Մանուել Անխելը, Տիագո Պիտարչը, Խորխե Սեստերոն, Դանիել Յանեսը, Դիեգո Ագուադոն, Խեսուս Ֆորտեան, Դավիդ Խիմենեսը և Մանուել Սերանոն։

«Ռեալում» աշխատելու ժամանակահատվածում Առբելոան գրեթե անսահամանափակ վստահություն ուներ երիտասարդ խաղացողների հանդեպ, ուստի այն ակումբը, որն աշխատանքի կհրավիրի նրան, կարող է հույս ունենալ վերոնշյալ ֆուտբոլիստների` ինչպես տրանսֆերների գնման, այնպես էլ վարձակալության։

«Սերուցքայիններն» Առբելոայի գլխավորությամբ հանդես եկան 2025/26 մրցաշրջանի երկրորդ հատվածում` 28 խաղում տանելով 18 հաղթանակ, գրանցելով 2 ոչ-ոքի, կրելով 8 պարտություն։

Մարզիչը գլխավորել է նաև «Ռեալի» տարբեր տարիքային թիմեր, այդ թվում` «Կաստիլիան»։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml