Անչելոտի. «Բելինգհեմն ինձ հիշեցնում է Զիդանին»

«Ռեալ Մադրիդի» գլխավոր մարզիչ Կառլո Անչելոտին ակումբի կիսապաշտպան Ջուդ Բելինգհեմին համեմատել է ֆրանսիացի լեգենդար նախկին ֆուտբոլիստ Զինեդին Զիդանի հետ.

«Հուսով եմ` նա պատրաստ կլինի Չեմպիոնների լիգայի 1/8 եզրափակիչի «Լայպցիգի» դեմ հանդիպմանը։

Երբ նա բաց էր թողնում հանդիպումները, մյուս ֆուտբոլիստները, ինչպես, օրինակ, Խոսելուն ու Բրահիմը, մեծ ծավալի աշխատանք կատարեցին։

Կան ասպեկտներ, որոնցում Բելինգհեմն ինձ հիշեցնում է Զիդանին, օրինակ, նրա արտասովոր վարպետությունը գնդակով։

Զիդանն ավելի բարձրակարգ տեխնիկա ուներ, իսկ Բելինգհեմն ավելի հաճախ է գործում առաջնագծում։ Առաջին գոլի դրվագում նա արեց այն, որը քչերն են կարողանում»,- իտալացի մասնագետի խոսքը մեջբերում է «արքայական» ակումբի պաշտոնական կայքը։

Հիշեցնենք, որ իսպանական Լա լիգայի 24-րդ տուրում «Ռեալ Մադրիդը» սեփական մարզադաշտում 4:0 հաշվով ջախջախեց «Ժիրոնային», իսկ Ջուդ Բելինգհեմն աչքի ընկավ երկու անգամ։

Անգլիացի ֆուտբլիստը Լա լիգայի ընթացիկ խաղարկությունում խփել է արդեն 16 գոլ և գլխավորում է լավագույն ռմբարկուների ցուցակը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am