Անդրեա Պիռլոն շուտով կդառնա թուրքական ակումբի գլխավոր մարզիչը

«Յուվենտուսի» նախկին գլխավոր մարզիչ Անդրեա Պիռլոն շուտ նոր աշխատանք կունենա։

Ինչպես տեղեկացնում ինսայդեր Նիկոլո Սկիրան, 43-ամյա մասնագետը մինչև 2024 թ. հունիսի 30-ը պայմանագիր է համաձայնեցրել թուրքական Սուպերլիգան ներկայացնող «Կարագյումրուկի» հետ։

Ստամբուլի Ֆաթիհ համայնքը ներկայացնող ակումբի ղեկավարությունը վստահ է, որ գործարքն ավարտին կհասցնի առաջիկա ժամերին։

Նշենք, որ Պիռլոն այդ պաշտոնում փոխարինելու է Թուրքիայի հավաքականի նախկին դարպասապահ Վոլկան Դեմիրելին, ով «Կարագյումրուկը» մարզել է 2021 թ. դեկտեմբերից մինչև սույն թվականի մայիս։

Ակումբը Դեմիրելի գլխավորությամբ Սուպերլիգայի ավարտված մրցաշրջանում զբաղեցրել է 8-րդ հորիզոնականը։

Հիշեցնենք, որ Անդրեա Պիռլոյի մարզչական միակ փորձը եղել է «Յուվենտուսի» ղեկին, որը մարզել է 2020 թ. օգոստոսից մինչև 2021 թ. մայիս։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am