Անգլիական գրանդը վստահ է, որ շուտով ավարտին կհասցնի Ֆրենկի դե Յոնգի տրանսֆերը

Անգլիական գրանդը վստահ է, որ շուտով ավարտին կհասցնի Ֆրենկի դե Յոնգի տրանսֆերը

11/08/2022 - 18:53

«Բարսելոնայի» կիսապաշտպան Ֆրենկի դե Յոնգի ապագան շարունակում անորոշ մնալ. հոլանդացի ֆուտբոլիստը, հնարավոր է, շուտով փոխի ակումբային գրանցումը։

Ինչպես տեղեկացնում է ինսայդեր Նիկոլո Սկիրան, «Չելսին» վստահ է, որ մոտ ժամանակներս ավարտին կհասցնի 25-ամյա ֆուտբոլիստի տրանսֆերը։

Աղբյուրի փոխանցմամբ` «ազնվականները» տևական ժամանակ է լրջորեն հետաքրքրված են Դե Յոնգի ծառայություններով ու նրա տրանսֆերի հարցում բավական հաջող բանակցություններ են վարում «բլաուգրանայի» հետ։

Հաղորդվում է, որ լոնդոնյան ակումբը գործարքի դիմաց պատրաստ է «Բարսելոնային» վճարել այնքան, որքան կատալոնական ակումբը ցանկանում է վաստակել 25-ամյա ֆուտբոլիստի վաճառքից` 80 մլն եվրո։

Նշվում է, որ «թոշակառուներն» այժմ անձնական պայմանագիր են պատրաստում Դե Յոնգի համար, որը նախատեսված է լինելու մինչև 2027 կամ 2028 թ. հունիսի 30-ը։

Հիշեցնենք, որ անցնող ամիսներին հոլանդացի ֆուտբոլիստի ապագան առավելապես կապվում էր միայն «Մանչեսթեր Յունայթեդի» հետ։

Մանկունյական ակումբը գործարքի հարցում նույնիսկ համաձայնության էր հասել «Բարսելոնայի» հետ, որի դիմաց վճարելու էր 60+20 մլն եվրո, սակայն այն չկայացավ` կապված կատալոնական ակումբի` հոլանդացի ֆուտբոլիստի հանդեպ ունեցած ֆինանսական պարտավորությունների հետ։

Բացի դրանից, Ֆրենկի դե Յոնգը բազմիցս հայտարարել է, որ չի ցանկանում հեռանալ կատալոնական ակումբից։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023