Այաքսը Սպերցյանի տրանսֆերի վերաբերյալ առաջարկ է կատարել Կրասնոդարին

«Կրասնոդարի» և Հայաստանի հավաքականի կիսապաշտպան Էդուարդ Սպերցյանը շարունակում է մնալ բազմաթիվ ակումբների ուշադրության կենտրոնում։

Ինսայդեր Ֆաբրիցիո Ռոմանոն հայտնում է, որ «Այաքսը» 23-ամյա ֆուտբոլիստին ձեռք բերելու համար տրանսֆերային առաջարկ է կատարել «ցլերին»։

Աղբյուրի փոխանցմամբ` ամստերդամյան ակումբը գործարքի դիմաց առաջարկել է 8,5 մլն եվրո, որին հավելավճարների տեսքով ավելանալու է ևս 2 մլն եվրո։

Բացի դրանից, «Կրասնոդարը» Սպերցյանի հաջորդ վաճառքից ունենալու է 10% մասնաբաժին։

Հաղորդվում է, որ «Այաքսը» ներկա պահին սպասում է ռուսական ակումբի պատասխանին. կողմերը դեռևս վերջնական համաձայնության չեն հասել, սակայն բանակցությունները շարունակվում են։

Հավելենք, որ Էդուարդ Սպերցյանը «Կրասնոդարի» սան է, որի կազմում անցկացրել է 76 հանդիպում` դառնալով 22 գոլի և 19 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am