Աղբյուր․ «Սանչոն ցանկանում է տեղափոխվել անգլիական մեկ այլ ակումբ, ոչ թե ՄՅՈՒ»
29/07/2020 - 23:03
Ինչպես տեղեկացնում է Kicker-ը, «Բորուսիա Դորտմունդի» վինգեր Ջեյդոն Սանչոն ցանկանում է տեղափոխվել «Լիվերպուլ», ոչ թե «Մանչեսթեր Յունայթեդ»։
«Կարմիր սատանաները» վաղուց են ցանկանում ձեռք բերել 20-ամյա ֆուտբոլիստին, սակայն դորտմունդյան ակումբի սահմանած 120 մլն հրաժարագինը հետ է պահում նրանց։ Բացի դրանից, աղբյուրի փոխանցմամբ, ինքը՝ Սանչոն, սկսել է նախապատվությունը տալ մեկ այլ անգլիական թոփ ակումբի՝ «Լիվերպուլին»։
Սանչոն կարծում է, որ մերսիսայդյան ակումբի կազմում Յուրգեն Կլոպի գլխավորությամբ ավելի շատ հավանականություն կունենա տիտղոսներ նվաճել։
Սանչոն Բունդեսլիգայի ավարտված մրցաշրջանում մասնակցել է 32 հանդիպման՝ դառանոլվ 17-ական գոլի և գոլային փոխանցման հեղինակ։