Ալեգրիի Յուվեն վերադարձել է. «բյանկոներիները» կրկին հաղթեցին նվազագույն հաշվով🎥

Չեմպիոնների լիգայի խմբային փուլի 3-րդ տուրում «Յուվենտուսը» H խմբի շրջանակում «Գազպրոմ Արենա» մարզադաշտում հյուրընկալվելիս մրցեց «Զենիթի» դեմ։

Ընդհանուր առմամբ հավասար պայքարում ընթացած խաղում թուրինյան ակումբը հաղթեց 1:0 հաշվով։

Հանդիպման միակ գնդակը 86-րդ րոպեին խփեց Դեյան Կուլուսևսկին` գլխի դիպուկ հարվածով եզրափակելով Մատիա Դե Շիլյոյի կատարած փոխանցումը։

Հատկանշական է, որ «ծեր սինյորան» իր վերջին 4 պաշտոնական խաղերում հաղթել է միևնույն` 1:0 հաշվով։

Այս խմբում կայացել է ևս մեկ հանդիպում.

«Չելսի» 4:0 «Մալմյո»

H խումբը 3-րդ տուրից հետո ունի հետևյալ տեսքը.

1. «Յուվենտուս» – 9 միավոր
2. «Չելսի» – 6 միավոր
3. «Զենիթ» – 3 միավոր
4. «Մալմյո» – 0 միավոր

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am