Ազգերի լիգա. Իտալիան հաղթեց Հունգարիային` դուրս գալով մրցաշարի փլեյ-օֆֆ🎥

27/09/2022 - 01:05

Ազգերի լիգայի A դիվիզիոնի 3-րդ խմբի վերջին` 6-րդ տուրում Իտալիայի հավաքականը Բուդապեշտի «Պուշկաշ Արենա» մարզադաշտում հյուրընկալվելիս մրցեց Հունգարիայի դեմ։

Առաջ ընկնելով` նշենք, որ «սկուադրա աձուրիին» հաջողվեց ավելի լավ իրացնել իր գոլային պահերը և հաղթել 2:0 հաշվով։

Ռոբերտո Մանչինիի թիմին հաղթանակ պարգևեցին Ջակոմո Ռասպադորիի և Ֆեդերիկո Դիմարկոյի խփած գոլերը։

Նշենք, որ հանդիպման հերոս դարձավ իտալացիների դարպասապահ Ջանլուիջի Դոնարուման, ով որոշ դրվագներում հրաշնքեր գործեց` կատարելով 6 սեյվ։

Այս խմբում կայացել է ևս մեկ հանդիպում.

Անգլիա 3:3 Գերմանիա

Վերջ տուրից հետո A դիվիզիոնի 3-րդ խմբի մրցաշարային աղյուսակն ստացավ հետևյալ տեսքը.

Իտալիա – 11 միավոր
Հունգարիա – 10 միավոր
Գերմանիա – 7 միավոր
Անգլիա – 3 միավոր

Նշենք, որ Իտալիայի հավաքականը պայքարն կշարունակի Ազգերի լիգայի փլեյ-օֆֆ-ում, իսկ Անգլիան դուրս մնաց A դիվիզիոնից ու մրցաշարի հաջորդ խաղարկությունում հանդես կգա B դիվիզիոնում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# Ազգերի լիգա, իտալիայի հավաքական, Հունգարիայի հավաքական, Ջակոմո Ռասպադորի, Ջանլուիջի Դոնարումա, Ռոբերտո Մանչինի, Ֆեդերիկո Դիմարկո