Ազգերի լիգա. Իսպանիան խաղավերջում հաղթանակ կորզեց Պորտուգալիայի դեմ խաղում🎥

Ազգերի լիգայի A դիվիզիոնի 2-րդ խմբի վերջին` 6-րդ տուրում Իսպանիայի հավաքականը Բրագայի «Քաղաքային» մարզադաշտում մրցեց Պորտուգալիայի ընտրանու դեմ։

Հանդիպման ընթացքում խփվեց միայն մեկ գոլ. 88-րդ րոպեին «ֆուրիա ռոխային» հաղթանակ պարգևեց Ալվարո Մորատան։

Այսպիսով, Լուիս Էնրիկեի թիմը հաղթեց 1:0 հաշվով։

Այս խմբում կայացել է ևս մեկ հանդիպում.

Շվեյցարիա 2:1 Չեխիա

A դիվիզիոնի 2-րդ խումբը վերջին տուրից հետո ստացավ հետևյալ տեսքը.

1. Իսպանիա – 11 միավոր
2. Պորտուգալիա – 10 միավոր
3. Շվեյցարիա – 9 միավոր
4. Չեխիա – 4 միավոր

Այսպիսով, Իսպանիայի հավաքականը նվաճեց Ազգերի լիգայի փլեյ-օֆֆ փուլի ուղեգիր, իսկ Չեխիան դուրս մնաց A դիվիզիոնից ու մրցաշարի հաջորդ խաղարկությունում հանդես կգա B դիվիզիոնում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am