Ֆրանսիայի հավաքականի ծագող աստղը հայտնվել է Ռեալի ուշադրության կենտրոնում

Ֆրանսիայի հավաքականի ծագող աստղը հայտնվել է Ռեալի ուշադրության կենտրոնում

12/10/2021 - 14:54

«Ռեալ Մադրիդը» հետաքրքրված է «Մոնակոյի» և Ֆրանսիայի հավաքականի կիսապաշտպան Օրելյեն Չաումենիի ծառայություններով։

Ինչպես տեղեկացնում է Marca-ն, «արքայական» ակումբը Չաումենիի խաղին հետևում է արդեն տևական ժամանակ։

Աղբյուրի փոխանցմամբ` հաջորդ ամառային տրանսֆերային պատուհանի ընթացքում «Ռեալի» գլխավոր նպատակը լինելու է ՊՍԺ-ի հարձակվող Կիլիան Մբապեի հետ պայմանագիր կնքելը, սակայն այդ փաստը չի բացառում, որ ակումբի ղեկավարությունը կփորձի ձեռք բերել նաև այլ ֆուտբոլիստների` հաշվի առնելով այն փաստը, որ «սերուցքայինների» շարքերը լքելու են Իսկոն, Գարեթ Բեյլն ու Մարսելոն. նրանց պայմանագրերը «Ռեալի» հետ լրանալու են 2022 թ. հունիսի 30-ին։

Խոսակցություններ կան նաև, որ Չաումենիի ծառայություններով հետաքրքրված է նաև «Յուվենտուսը»։

Նշենք, որ 21-ամյա ֆուտբոլիստը «Մոնակոյի» կազմում հանդես է գալիս 2020 թ. հունվարից և մինչ այս պահը մոնեգասկյան ակումբի մարզաշապիկով անցկացրել է 60 հանդիպում` դառնալով 5 գոլի և 4 գոլային փոխանցման հեղինակ։

Երիտասարդ ֆուտբոլիստը 2021 թ. սեպտեմբերին նորամուտը նշեց նաև Ֆրանսիայի հավաքականի կազմում, իսկ վերջերս կայացած Ազգերի լիգայի խաղարկությունում «եռագույնների» կազմում դարձավ մրցաշարի հաղթող` մասնակցելով եզրափակիչ հանդիպմանն ամբողջությամբ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022