ՌՊԼ-ը ներկայացնող ակումբը հետաքրքրված է Հովհաննես Հարությունյանի ծառայություններով

«Փյունիկի» կիսապաշտպան Հովհաննես Հարությունյանը, հնարավոր է, մոտ ժամանակներս փոխի ակումբային գրանցումը։

Ինչպես տեղեկացնում է ռուսական ֆուտբոլին մոտ կանգնած ինսայդեր Իվան Կարպովը, 24-ամյա ֆուտբոլիստի ծառայություններով հետաքրքրված է ռուսական Պրեմիեր լիգան ներկայացնող «Սոչին»։

Աղբյուրն այլ մանրամասներ չի հաղորդում։

Նշենք, որ Հարությունյանն արտասահմանյան ակումբներից հանդես է եկել Սլովակիան ներկայացնող «Միխալովցե» ակումբի կազմում` անցկացնելով 7 հանդիպում։

Հավելենք, որ ընթացիկ մրցաշրջանում բոլոր մրցաշարերի շրջանակում Հարությունյանն անցկացրել է 22 հանդիպում` դառնալով 12 գոլի և 6 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am