Ռեալը Բարսելոնայի դեմ խաղերում տոնել է 100-րդ հաղթանակը

Ռեալը Բարսելոնայի դեմ խաղերում տոնել է 100-րդ հաղթանակը

13/01/2022 - 10:59

Իսպանիայի Սուպերգավաթի կիսաեզրափակիչի շրջանակում «Ռեալ Մադրիդը» թրիլլերային խաղում 3:2 հաշվով հաղթեց «Բարսելոնային»` նվաճելով մրցաշարի եզրափակիչի ուղեգիր։

Ինչպես տեղեկացնում է լրագրող Պեդրո Մարտինը, «արքայական» ակումբը «Բարսելոնայի» դեմ կայացած խաղերում տոնել է 100-րդ հաղթանակը. «Ռեալը» մրցակցի դարպասն ուղարկել է 415 գոլ։

Կողմերի միջև սա եղել է 248-րդ պաշտոնական հանդիպումը, և այդ ընթացքում կատալոնական ակումբը տոնել է 96 հաղթանակ` խփելով 404 գոլ։

Նշենք, որ ևս 52 հանդիպում էլ ավարտվել է ոչ-ոքի։

Հավելենք, որ կողմերի միջև հաջորդ հանդիպումը նախատեսված է մարտի 20-ին` Լա լիգայի 29-րդ տուրի շրջանակում, իսկ խաղը կկայանա Մադրիդի «Սանտիագո Բերնաբեու» մարզադաշտում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022