Ջուդ Բելինգհեմը դարձել է Բունդեսլիգայի ամենաթանկարժեք ֆուտբոլիստը

Ջուդ Բելինգհեմը դարձել է Բունդեսլիգայի ամենաթանկարժեք ֆուտբոլիստը

22/09/2022 - 17:14

Հեղինակավոր Transfermarkt կայքը թարմացրել է գերմանական Բունդեսլիգայի ակումբներում հանդես եկող ֆուտբոլիստների տրանսֆերային արժեքները։

Վերջին թարմացման արդյունքում «Բորուսիա Դորտմունդի» կիսապաշտպան Ջուդ Բելինգհեմը դարձել է Բունդեսլիգայի ամենաթանկարժեք ֆուտբոլիստը։

19-ամյա կիսապաշտպանի տրանսֆերային արժեքն ավելացել է 10 մլն եվրոյով և այժմ գնահատվում է 90 մլն եվրո։

Բելինգհեմը շրջանցել է Քրիստոֆեր Նկունկուին («Լայպցիգ») և Ջոշուա Կիմիխին («Բավարիա), ովքեր գնահատվում են 80 մլն եվրո. երկու ֆուտբոլիստների տրանսֆերային արժեքն էլ չի ենթարկվել փոփոխության։

Նշենք, որ այժմ 80 մլն եվրո է գնահատվում նաև «Բավարիայի» կիսապաշտպան Ջամալ Մուսիալան, ով թանկացել է 15 մլն եվրոյով։

Հավելենք, որ Ջուդ Բելինգհեմը «Բորուսիա Դորտմունդի» կազմում ընթացիկ մրցաշրջանում բոլոր մրցաշարերի շրջանակում անցկացրել է 3 հանդիպում` դառնալով 3 գոլի հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022