Պաշտոնական. Ումտիտին ու Բարսելոնան աշխատավարձի նվազմամբ նոր պայմանագիր են կնքել

Պաշտոնական. Ումտիտին ու Բարսելոնան աշխատավարձի նվազմամբ նոր պայմանագիր են կնքել

10/01/2022 - 16:15

Ինչպես տեղեկացնում է «Բարսելոնայի» պաշտոնական կայքը, ակումբը նոր պայմանագիր է կնքել կենտրոնական պաշտպան Սամուել Ումտիտիի հետ։

Կողմերի միջև նոր պայմանագիրը նախատեսված է մինչև 2026 թ. հունիսի 30-ը։

Հաղորդվում է, որ ֆրանսիացի ֆուտբոլիստը համաձայնել է աշխատավարձի էական կրճատման։

28-ամյա պաշտպանի այդ քայլի շնորհիվ` կատալոնական ակումբը թեթևացրեց աշխատավարձի բյուջեն և կկարողանա ֆինանսական Fair play-ի սահմաններում հայտավորել նաև Ֆերրան Տորեսին, ում ընթացիկ ձմեռային տրանսֆերային պատուհանի ժամանակ «բլաուգրանասը» 55+10 մլն եվրոյի դիմաց ձեռք է բերել «Մանչեսթեր Սիթիից»։

«Կապտանռնագույնները» հրապարակավ շնորհակալություն են հայտնել Ումտիտիին` ակումբի հանդեպ նվիրվածության և այդ քայլին գնալու համար։

Հավելենք, որ Սամուել Ումտիտին «Բարսելոնայի» շարքերը համալրել է 2016 թ. հուլիսին և մինչ այս պահն ակումբի կազմում անցկացրել է 133 հանդիպում` դառնալով 2 գոլի և 1 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022