Պաշտոնական. Մբապեն երկարաձգեց պայմանագիրը ՊՍԺ-ի հետ📸

Պաշտոնական. Մբապեն երկարաձգեց պայմանագիրը ՊՍԺ-ի հետ📸

21/05/2022 - 23:22

Ինչպես տեղեկացնում է ՊՍԺ-ի պաշտոնական կայքը, ակումբը երկարաձգել է պայմանագիրը Կիլիան Մբապեի հետ։

Կողմերի միջև պայմանագիրը կնքվել է մինչև 2025 թ. հունիսի 30-ը։

«Պարի Սեն-Ժերմենը» գործարքի մասին պաշտոնապես հայտարարեց հենց ակումբի երկրպագուների ներկայությամբ` «Ստադ դե Ֆրանս» մարզադաշտում` Լիգա 1-ի վերջին` 38-րդ տուրի շրջանակում «Մեցի» դեմ հանդիպումից առաջ։

Հավելենք, որ, ըստ իտալացի ինսայդեր Նիկոլո Սկիրայի ունեցած տեղեկությունների, պայմանագրի երկարաձգումից հետո 23-ամյա հարձակվողի տարեկան աշխատավարձը կդառնա 50 մլն եվրո։

Մբապեն ևս 130 մլն եվրո հավելավճար կստանա` պայմանագիրը երկարաձգելու համար։

Սպասվում է, որ 23-ամյա հարձակվողը նոր պայմանագրով կարողանալու է ամբողջապես տիրապետել իր բոլոր իմիջային իրավունքներին։

Բացի դրանից, նա կարողանալու է ազդել նաև ակումբի ղեկավարության կայացրած որոշումների վրա։ Խոսքը գլխավոր մարզիչների և սպորտային տնօրենների նշանակման, ինչպես նաև տրանսֆերների իրականացման մասին է։

Հիշեցնենք, որ Կիլիան Մբապեի ու ՊՍԺ-ի միջև նախորդ պայմանագիրն ավարտվում էր սույն թվականի հունիսի 30-ին, ու շատ մեծ հավանականություն կար, որ ֆրանսիացի հարձակվողն ազատ գործակալի կարգավիճակով կտեղափոխվի «Ռեալ Մադրիդ»։

Օրեր առաջ հայտնի դարձավ, որ «արքայական» ակումբը 5 տարվա պայմանագիր է համաձայնեցրել Մբապեի հետ։

Դրան զուգահեռ, ֆուտբոլիստի մայրը` Ֆայզա Լամարին, մայիսի 20-ին հայտնեց, որ իր որդին համաձայնեցրած պայմանագիր ունի թե՛ «Ռեալի» և թե՛ ՊՍԺ-ի հետ, սակայն Մբապեի ընտրությունը, ի վերջո, կանգ առավ փարիզյան ակումբի։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022