Պաշտոնական. Լուկակուն վերադարձավ Ինտեր

Պաշտոնական. Լուկակուն վերադարձավ Ինտեր

29/06/2022 - 22:26

Ինչպես տեղեկացնում է «Չելսիի» պաշտոնական կայքը, ակումբի հարձակվող Ռոմելու Լուկակուն 2022/23 մրցաշրջանը վարձավճարով կանցկացնի «Ինտերի» կազմում։

Ավելի վաղ հայտնի էր դարձել, որ վարձակալության դիմաց «ազնվականները» կստանան 8 մլն եվրո, իսկ կողմերի միջև կնքվելիք պայմանագրում չի լինելու գնման իրավունք։

Հաղորդվում է, որ Լուկակուն, հանուն «Ինտեր» տեղափոխության, աշխատավարձը նվազեցրել է 30%-ով և միլանյան ակումբի կազմում կվաստակի մոտ 7 մլն եվրո։

Հիշեցնենք, որ բելգիացի ֆուտբոլիստը 2019-2021 թթ. արդեն հանդես եկել է «Ինտերի» կազմում, որի մարզաշապիկով անցկացրած 95 խաղում դարձել է 64 գոլի և 16 գոլային փոխանցման հեղինակ։

29-ամյա ֆուտբոլիստը 2021 թ. օգոստոսին «Չելսիի» համար ռեկորդային 113 մլն եվրոյի դիմաց համալրեց լոնդոնյան ակումբի շարքերը, որի կազմում 2021/22 մրցաշրջանում բոլոր մրցաշարերի շրջանակում անցկացրել է 44 անգամ` դառնալով 15 գոլի և 2 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022