Ուրուգվայը, Արգենտինան, Չիլին ու Պարագվայն ԱԱ-2030-ն անցկացնելու  համատեղ հայտ են ներկայացրել

Ուրուգվայը, Արգենտինան, Չիլին ու Պարագվայն ԱԱ-2030-ն անցկացնելու համատեղ հայտ են ներկայացրել

03/08/2022 - 16:25

Ինչպես տեղեկացնում է Infobae-ն, Արգենտինան, Ուրուգվայը, Չիլին և Պարագվայն ԱԱ-2030-ն անցկացնելու համատեղ հայտ են ներկայացրել։

Օգոստոսի 2-ին` Ուրուգվայի մայրաքաղաք Մոնտեվիդեոյում` «Սենտենարիո» մարզադաշտի ֆուտբոլային թանգարանում, պաշտոնապես հայտարարվեց դրա մասին և հայտն ուղարկվեց ՖԻՖԱ-ին։

Արգենտինան, Ուրուգվայը, Չիլին ու Պարագվայը Մունդիալ-30-ն անցկացնելու համար մրցելու են Իսպանիայի ու Պորտուգալիայի համատեղ հայտի դեմ։

Նշվում է, որ հաղթողի վերջնական ընտրությունը, ամենայն հավանականությամբ, կկայանա ՖԻՖԱ-ի 74-րդ կոնգրեսի ժամանակ` 2024 թվականին։

Հավելենք, որ Ուրուգվայը, Չիլին ու Արգենտինան մեկական անգամ արդեն անցկացրել են աշխարհի առաջնությունն` ընդունելով համապատասխանաբար 1930, 1962 և 1978 թվականների մունդիալները։

Ինչ վերաբերում է Պարագվային, ապա այդ երկիրը դեռևս չի ընդունել աշխարհի առաջնություն։

Հիշեցնենք, որ 2022 թ. առաջնությունը կայանալու է Քաթարում, իսկ 2026 թ.` ԱՄՆ-ում, Մեքսիկայում և Կանադայում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022