Կլոպ. Բոլորն ուզում են, որ մենք Սիթիի նման խաղանք, բայց մենք մեր սեփական ֆուտբոլն ենք խաղում

Կլոպ. Բոլորն ուզում են, որ մենք Սիթիի նման խաղանք, բայց մենք մեր սեփական ֆուտբոլն ենք խաղում

06/04/2019 - 12:54

«Լիվերպուլի» գլխավոր մարզիչ Յուրգեն Կլոպը մեկնաբանել է ԱՊԼ-ի 33-րդ տուրում «Սաութհեմփթոնի» նկատմամբ տարած հաղթանակը (3:1):

«Դա հիանալի էր: Ես տղաներին ասացի, որ մենք հոգեբանորեն լավ ենք տրամադրված:

Լավ կազմակերպված էինք, բարձր պրեսինգ էինք անում, գործում էինք դաշտի բոլոր հատվածներում, բայց մրցակցի խաղացողները գնդակի ցանկացած հեռացում վերածում էին հակագրոհի և մենք պետք է կարողանայինք դա ուղղել: Նրանք լավ գոլ խփեցին, բայց մենք պահպանեցինք հանգստությունը:

Աշխատում ենք, որ պահ ստեղծենք, այլ ոչ թե սպասում ենք պահին: Ընդմիջումից հետո խաղը հանգստացավ, բայց ամեն ինչ որոշվեց հակագրոհների արդյունքում խփված երկու հիանալի գոլերով: Սալահը չէր կարող բաց թողնել իր գոլի հնարավորությունը և բարձր կարգ ցուցադրեց այդ դրվագում: Ես շատ գոհ եմ. գիտեինք, որ դժվար է լինելու, որ այստեղ հաղթելը հեշտ չէ, բայց մենք դա արեցինք:

Մի քանի խաղացողների վաղը անհրաժեշտ կլինի վերականգնվել: Մենք թոփ կարգի խաղ ցույց չտվեցինք, խոսքը պայքարի մասին է: Բոլորն ուզում են, որ մենք խաղանք, ինչպես «Մանչեսթեր Սիթին», բայց մենք դա չենք կարող անել, որովհետև խաղում ենք մեր սեփական ֆուտբոլը: Հիմա ունենք 82 միավոր և դա բավականին շատ է այս գժական առաջնությունում: Ես իրոք հպարտանում եմ. սա անհավանական է:

Բոլորի համար դժվար տարի է: Պետք է վաստակել 70-75 միավոր Չեմպիոնների լիգայում հայտնվելու համար և 90-ից ավելի մրցանակի համար: Մենք մրցավազքում ենք և դա հիանալի է»,- Կլոպի խոսքերն է մեջբերում BBC-ն:

# , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022