Մոդրիչ. «Ինձ միշտ ընդամենը 2 րոպե է անհրաժեշտ եղել նոր պայմանագիրը համաձայնեցնելու համար»

Մոդրիչ. «Ինձ միշտ ընդամենը 2 րոպե է անհրաժեշտ եղել նոր պայմանագիրը համաձայնեցնելու համար»

17/01/2022 - 11:25

Իսպանիայի Սուպերգավաթի եզրափակիչում «Ռեալ Մադրիդը» 2:0 հաշվով հաղթեց «Ատլետիկ Բիլբաոյին»` դառնալով մրցաշարի հաղթող։

Եզրափակիչ հանդիպման հերոսներից մեկը` Լուկա Մոդրիը, ով խփեց «Ռեալի» առաջին գոլը, խաղից հետո ակնարկել է, որ պատրաստվում է նոր պայմանագիր կնքել ակումբի հետ.

«Ես միշտ հիանալի հարաբերություններ եմ ունեցել ակումբի հետ և վստահ եմ, որ համաձայնության կհասնենք։

Ինձ միշտ ընդամենը 2 րոպե է անհրաժեշտ եղել նոր պայմանագիրը համաձայնեցնելու համար։

Իմ ցանկությունը պարզ է և կարծում եմ, որ «Ռեալը» նույնպես նույնն է ցանկանում»,- նշել է խորվաթ ֆուտբոլիստը, ում խոսքերը մեջբերում է Marca-ն։

Նշենք, որ «Ռեալի» ու 36-ամյա ֆուտբոլիստի գործող պայմանագիրն ավարտվում է 2022 թ. հունիսի 30-ին, սակայն, ըստ հանրահայտ ինսայդեր Ֆաբրիցիո Ռոմանոյի տեղեկությունների, կողմերը պատրաստվում են 1 տարով երկարաձգել պայմանագիրը` Մոդրիչի աշխատավարձի 10% կրճատմամբ։

Հիշեցնենք, որ Լուկա Մոդրիչը «Ռեալի» կազմում հանդես է գալիս 2012 թ. օգոստոսից և մինչ օրս ակումբի մարզաշապիկով անցկացրել է 413 հանդիպում` դառնալով 29 գոլի և 66 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022