Մեսսին հիասթափված է, որ Պիկեի աշխատավարձի չնվազեցման պատճառով չի կարողացել մնալ Բարսելոնայում

Մեսսին հիասթափված է, որ Պիկեի աշխատավարձի չնվազեցման պատճառով չի կարողացել մնալ Բարսելոնայում

27/01/2022 - 15:39

Ինչպես տեղեկացնում է Diaro Sport-ը, ՊՍԺ-ի հարձակվող Լեո Մեսսիի ու «Բարսելոնայում» նրա նախկին խաղընկեր Ժերար Պիկեի միջև հարաբերությունները վատթարացել են։

Բանն այն է, որ Պիկեն, ի տարբերություն Ժորդի Ալբայի և Սերխիո Բուսկետսի, չի համաձայնել կրճատել աշխատավարձը, որպեսզի «Բարսելոնան» կարողանա պայմանագիր կնքել Մեսսիի ու հայտավորել նրան։

«Երբ Պիկեն վերջին անգամ երկարաձգեց պայմանագիրը «Բարսելոնայի» հետ, դա ցավեցրեց Մեսսիին։ Այժմ Մեսսին իրեն խաբված է զգում, քանի որ Պիկեն պայմանագիրը չերկարաձգեց այնքան ժամանակ, մինչև արգենտինացի ֆուտբոլիստը չհեռացավ ակումբից։

Մեսսին կարծում է, որ Ժերար Պիկեն պետք է ավելի շուտ երկարաձգեր պայմանագիրն ակումբի հետ, որպեսզի փորձեր կանխել իր հեռանալը «Բարսելոնայից»»,- նշել է լրագրող Լուիս Կաունթը TV3-ի Onze հաղորդաշարի ժամանակ։

Հիշեցնենք, որ 2021 թ. ամռանը Լա լիգայի տնտեսական կանոնադրության պատճառով «Բարսելոնոնան» չկարողացավ նոր պայմանագիր կնքել Լեո Մեսսիիի հետ, ինչից հետո արգենտինացի հարձակվողն ազատ գործակալի կարգավիճակով համալրեց ՊՍԺ-ի շարքերը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022