ՀՖՖ-ն արձագանքել է Զախարյանի շուրջ ստեղծված իրավիճակին

ՀՖՖ-ն արձագանքել է Զախարյանի շուրջ ստեղծված իրավիճակին

23/09/2022 - 17:23

Ինչպես արդեն տեղեկացրել ենք, լրագրող Հրաչ Խաչատրյանը Twitter-ի իր միկրոբլոգում գրել է, թե «Դինամո Մոսկվայի» կիսապաշտպան Արսեն Զախարյանը դիտարկում է Հայաստանի քաղաքացիություն ստանալու տարբերակը։

Այդուհանդերձ, Հայաստանի ֆուտբոլի ֆեդերացիան հերքել է այդ լուրերը` հաստատելով, որ չի կապվել Զախարյանի հետ` Հայաստանի քաղաքացիություն ստանալու հարցի վերաբերյալ։

Այդ մասին «Матч ТВ»-ի հետ զրույցում նշել է ՀՖՖ մամուլի քարտուղար Հայկ Կարապետյանը.

«Հայաստանի ֆուտբոլի ֆեդերացիան, նախ, չի մեկնաբանում առանձին լրագրողների հրապարակումները։ Երկրորդ՝ ևս մեկ անգամ հավաստիացնում ենք, որ քաղաքացիության փոփոխության հարցով Արսեն Զախարյանի հետ չենք կապվել»,- նշել է Կարապետյանը։

Հիշեցնենք, որ Արսեն Զախարյանը 2021 թ. սեպտեմբերից հանդես է գալիս Ռուսաստանի հավաքականի կազմում` անցկացրած 4 խաղում դառնալով 1 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022