Հաստատվել են ՊՍԺ – Սիթի և Յուվենտուս – Չելսի հանդիպումների մրցավարական անձնակազմերը

Հաստատվել են ՊՍԺ – Սիթի և Յուվենտուս – Չելսի հանդիպումների մրցավարական անձնակազմերը

27/09/2021 - 18:34

Սեպտեմբերի 28-29-ին կկայանան Չեմպիոնների լիգայի խմբային փուլի 2-րդ տուրի հանդիպումները։

Ինչպես տեղեկացնում է ՈՒԵՖԱ-ի պաշտոնական կայքը, A խմբի ՊՍԺ – «Մանչեսթեր Սիթի» հանդիպումը կսպասարկեն իսպանացի մրցավարները` Կառլոս Դել Սերո Գրանդեի գլխավորությամբ, ում եզրերում կօգնեն Պաու Սեբրիանն ու Ռոբերտո Ալոնսոն։

Հանդիպման չորրորդ պաշտոնյա է նշանակվել Խուան Մարտինես Մունուերան, իսկ VAR համակարգի պատասխանատուներ` Սանտիագո Խայմե Լատրեն և Քրիստիան Դինգերտը (Գերմանիա)։

H խմբում կայանալիք «Յուվենտուս» – «Չելսի» համդիպումը նույնպես կսպասարկեն իսպանացիները` Խեսուս Խիլ Մասանոյի գլխավորությամբ։ Նրան եզրերում կօգնեն Դիեգո Բարբերոն և Անխել Նևադո Ռոդրիգեսը։

Այդ հանդիպման չորրորդ պաշտոնյան կլինի Խոսե Լուիս Մունուերան, իսկ VAR համակարգի պատասխանատուները` Խուան Մարտինես Մունուերան և Պոլ վան Բուկելը (Հոլանդիա)։

Հավելենք, որ ՊՍԺ – «Սիթի» հանդիպումը կկայանա սեպտեմբերի 28-ին, իսկ «Յովենտուս» – «Չելսի» հանդիպումը` ամսի 29-ին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2019 By Sh.Gor