Կործանարար կորոնավիրուսը. Պրեմիեր լիգայի հաջորդ տուրի 5 հանդիպումներ հետաձգվել են

Կործանարար կորոնավիրուսը. Պրեմիեր լիգայի հաջորդ տուրի 5 հանդիպումներ հետաձգվել են

17/12/2021 - 11:23

Կորոնավիրուսը շարունակում է խաթարել բոլորիս կյանքը. Պրեմիեր լիգայի 18-րդ տուրի 5 հանդիպումներ հետաձգվել են։

Ինչպես տեղեկացնում է ԱՊԼ-ի պաշտոնական կայքը, հետաձգվել են «Սաութհեմպտոն» – «Բրենթֆորդ», «Վոթֆորդ» – «Քրիսթալ Փելաս», «Վեսթ Հեմ» – «Նորվիչ», «Էվերտոն» – «Լեսթեր» և «Մանչեսթեր Յունայթեդ» – «Բրայթոն» հանդիպումները։

Կորոնավիրուսի համաճարակի լուրջ բռնկումներ են գրանցվել «Մանչեսթեր Յունայթեդում», «Բրենթֆորդում», «Վոթֆորդում», «Լեսթերում» և «Նորվիչում». այս թիմերի մարզաբազաները փակ են, իսկ վարակակիրներն ինքնամեկուսացել են։

Այս բոլոր ակումբները ներկա պահին չունեն բավարար ֆուտբոլիստներ, որպեսզի կարողանան մասնակցել հաջորդ տուրի հանդիպումներին։

Նշենք, որ, սկսած դեկտեմբերի 12-ից, Պրեմիեր լիգայի շրջանակում հետաձգվել է արդեն 9 հանդիպում։

Ավելի վաղ հետաձգվել էին «Լեսթեր» – «Տոտենհեմ», «Բարնլի» – «Վոթդորդ», «Բրենթֆորդ» – «Մանչեսթեր Յունայթեդ» և «Բրայթոն» – «Տոտենհեմ» հանդիպումները։

Հավելենք, որ նույն խնդիրն առաջացել է նաև «Տոտենհեմի» կազմում, որը դեկտեմբերի 5-ից ի վեր չի կարողանում պաշտոնական հանդիպումներ անցկացնել։

Այդ պահից սկսած` «խթանների» մասնակցությամբ 3 պաշտոնական հանդիպում է հետաձգվել։

Բացի վերոնշյալ հանդիպումներից, հետաձգվել է նաև Կոնֆերենցիաների լիգայի խմբային փուլի 6-րդ տուրի «Ռենի» դեմ տնային հանդիպումը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022