Խավի. «Բարսելոնան արժանի չէր պարտության»

Խավի. «Բարսելոնան արժանի չէր պարտության»

14/09/2022 - 10:20

Չեմպիոնների լիգայի 2-րդ տուրում «Բարսելոնան» C խմբի շրջանակում հյուրընկալվելիս մրցեց «Բավարիայի» դեմ` պարտվելով 0:2 հաշվով։

Հանդիպումից հետո տեղի ունեցած մամուլի ասուլիսի ժամանակ իր տպավորություններով է կիսվել կատալոնական ակումբի գլխավոր մարզիչ Խավին.

«Մենք ավելի լավ տեսք ունեինք, քան «Բավարիան», սակայն բազմիցս ներեցինք նրանց, իսկ մրցակիցն իրացրեց իր գոլային պահերը։ Ահա, թե ինչն է խնդիրը։

Առաջին խաղակեսն ամբողջությամբ ընթացավ մեր վերահսկողության ներքո։ Հանդիպման արդյունքը չի արտացոլում այն ամենը, ինչ տեղի էր ունենում դաշտում։

Սակայն, այսպիսին է Չեմպիոնների լիգան. եթե ներում ես մրցակցին, ապա պետք է վճարես դրա դիմաց։

Կարծում եմ` պետք է դրական պահեր կորզենք այս հանդիպումից։ Ամեն դեպքում, արդյունքը բացասական է և պետք է հետևություններ անենք մեր սխալներից։

«Բարսելոնան» արժանի չէ պարտության։ Մենք պարտվեցինք մեր սխալների պատճառով։ Պետք է շարունակենք շատ աշխատել և սովորել»,- նշել է իսպանացի մասնագետը, ում խոսքերը մեջբերում է Marca-ն։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022