Լաուտարոյի տրանսֆերի հարցում Ինտերը 90-մլնանոց երկու առաջարկ է մերժել

Լաուտարոյի տրանսֆերի հարցում Ինտերը 90-մլնանոց երկու առաջարկ է մերժել

18/08/2021 - 11:18

«Ինտերը» ոչ մի կերպ չի ցանկանում բաժանվել իր առաջատարներից մեկից` Լաուտարո Մարտինեսից։

Ըստ իտալացի ինսայդեր Ֆաբրիցիո Ռոմանոյի ունեցած տեղեկությունների` «Ատլետիկո Մադրիդն» ու «Տոտենհեմը» մի քանի շաբաթ առաջ 70 մլն եվրո են առաջարկել արգենտինացի ֆուտբոլիստի դիմաց. այդ գումարը հետագայու պետք է հասներ մինչև 90 միլիոնի։

Աղբյուրի փոխանցմամբ` «ներաձուրիները» մերժել են այդ երկու առաջարկներն էլ և այժմ աշխատում են իրենց շարքերում պահել 23-ամյա հարձակվողին։

Ռոմանոն հայտնում է նաև, որ միլանյան ակումբի ղեկավարները օգոստոսի 18-ին հանդիպելու են Լաուտարոյի ներկայացուցիչների հետ, որպեսզի բամակացություններ սկսեն պայմանագրի երկարաձգման հարցում։

Հավելենք, որ «Ինտերի» ու Լաուտարոյի միջև գործող պայմանագիրն ավարտվում է 2023 թ. հունիսի 30-ին։

Հիշեցնենք, որ արգենտինացի ֆուտբոլիստը «Ինտերում» հանդես է գալիս 2018 թ. հուլիսից, որի կազմում անցկացրել է 132 հանդիպում` դառնալով 49 գոլի և 20 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2019 By Sh.Gor