Ինտերը հաստատել է. Մխիթարյանը վնասված է ստացել

Ինտերը հաստատել է. Մխիթարյանը վնասված է ստացել

17/08/2022 - 11:31

Ինչպես հայտնում է «Ինտերի» պաշտոնական կայքը, ակումբի կիսապաշտպան Հենրիխ Մխիթարյանն ազդրի վնասվածք է ստացել։

Իտալական Ա սերիայի 1-ին տուրում «Լեչչեի» դեմ կայացած հանդիպումից հետո (2:1) հայազգի ֆուտբոլիստը բուժզննում է անցել, ինչը ցույց է տվել, որ Մխիթարյանը վնասել է ձախ ոտքի ազդրի ճկվող մկանները։

Առաջիկա օրերին 33-ամյա ֆուտբոլիստը լրացուցիչ հետազոտություն պետք է անցնի` պարզելու, թե երբ շարք կվերադառնա, ու թե ինչպես պետք է անցկացնի վերականգնողական շրջանը։

Այդուհանդերձ, մի շարք իտալական աղբյուրներ հաստատում են, որ Մխիթարյանը բաց է թողնելու 2-3 շաբաթ։

Նշվում է, որ հայ ֆուտբոլիստը, ամենայն հավանականությամբ, կհասցնի ապաքինվել ու մասնակցել «Միլանի» դեմ կայանալիք հանդիպմանը, որը տեղի է ունենալու սեպտեմբերի 3-ին` Ա սերիայի 5-րդ տուրի շրջանակում։

Հիշեցնենք, որ Մխիթարյանն ընթացիկ ամառային տրանսֆերային պատուհանի ժամանակ է ազատ գործակալի կարգավիճակով համալրել «Ինտերի» շարքերը, որի կազմում անցկացրել է 1 հանդիպում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022