Հայտնի է ԱՊԼ-ի հունվար ամսվա լավագույն ֆուտբոլիստը
12/02/2021 - 16:29
Ինչպես տեղեկացնում է անգլիական Պրեմիեր լիգայի պաշտոնական կայքը, «Մանչեսթեր Սիթիի» կիսապաշտպան Իլկայ Գյուդողանը ճանաչվել է հունվար ամսվա լավագույն ֆուտբոլիստ։
30-ամյա գերմանացի կիսապաշտպանը հունվար ամսին ԱՊԼ-ի շրջանակում անցկացրել է 6 հանդիպում՝ դառնալով 5 գոլի հեղինակ։
Գյունդողանը քվեարկության արդյունքում առաջ է անցել Բերնդ Լենոյից («Արսենալ»), Քրեյգ Դոուսոնից («Վեսթ Հեմ»), Ջոն Սթոունզից («Մանչեսթեր Սիթի»), Ջեք Գրիլիշից («Աստոն Վիլլա»), Ջեյմս Մեդիսոնից («Լեսթեր»), Մաթեուս Պերեյրայից («Վեսթ Բրոմվիչ»), ինչպես նաև Բուկայո Սակայից («Արսենալ»)