Ժորժինիոն տպավորիչ ռեկորդ է սահմանել Պրեմիեր լիգայի շրջանակում

Ժորժինիոն տպավորիչ ռեկորդ է սահմանել Պրեմիեր լիգայի շրջանակում

27/12/2021 - 12:12

Անգլիական Պրեմիեր լիգայի 19-րդ տուրի շրջանակում «Չելսին» հյուրընկալվելիս 3:1 հաշվով կամային հաղթանակ տոնեց «Աստոն Վիլլայի» նկատմամբ։

Այդ խաղում «ազնվականների» կազմից դուբլի հեղինակ դարձավ Ժորժինիոն, ով երկու անգամ դիպուկ իրացրեց 11-մետրանոց հարվածը։

Ինչպես տեղեկացնում է ESPN-ը, իտալացի կիսապաշտպանը 2021 թ. Պրեմիեր լիգայի շրջանակում 11-մետրանոցից խփել է արդեն 10 գոլ` դառնալով մեկ օրացույցային տարում «նշակետից» ամենաշատ գոլ խփած ֆուտբոլիստը։

30-ամյա ֆուտբոլիստը գերազանցել է Մեթյու Լե Տիսիեի («Սաութհեմպտոն») և Սթիվեն Ջերարդի («Լիվերպուլ») ռեկորդային ցուցանիշը, ովքեր համապատասխանաբար 1994 և 2014 թվականներին մեկ օրացույցային տարվա ընթացքում ԱՊԼ-ի շրջանակում 11-մետրանոցից աչքի են ընկել 9 անգամ։

Նշենք, որ ընթացիկ մրցաշրջանում Ժորժինիոն «Չելսիի» կազմում բոլոր մրցաշարերի շրջանակում անցկացրած 23 խաղում խփել է 9 գոլ, որոնք բոլորն էլ եղել 11-մետրանոցի իրացումից հետո։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022