Ժոաու Կանսելուն տպավորիչ ռեկորդ է գրանցել

«Բարսելոնայի» պաշտպան Ժոաու Կանսելուն, դառնալով Իսպանիայի չեմպիոն, տպավորիչ ռեկորդ է գրանցել, հայտնում է Marca-ն։

Պորտուգալացին պատմության մեջ առաջին ֆուտբոլիստն է, որը եվրոպական թոփ-5 առաջնություններից 4-ի չեմպիոն է դարձել։

31-ամյա պաշտպանը նախկինում «Յուվենտուսում» դարձել էր Իտալիայի, «Մանչեսթեր Սիթիում»` Անգլիայի, իսկ «Բավարիայում»` Գերմանիայի չեմպիոն։

Ֆուտբոլիստը թոփ-5 առաջնություններից չի հաղթել միայն Ֆրանսիայի Լիգա 1-ը։

Կանսելուն 2014թ. «Բենֆիկայի» կազմում էլ դարձել է Պորտուգալիայի չեմպիոն։

Լատերալն այս տարվա հունվարին է սաուդյան «Ալ Հիլալից» վարձավճարով տեղափոխվել «Բարսելոնա», որի կազմում 20 խաղում խփել 1 գոլ, կատարել 4 ասիստ։

Կատալոնական գրանդը պատմության մեջ 29-րդ չեմպիոնությունն ամրագրել է Լա լիգայի 35-րդ տուրում կայացած հերթական «Էլ Կլասիկոյում» Մադրիդի «Ռեալին» հաղթելու (2:0) շնորհիվ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml