Թրիլլեր «Սան Սիրոյում». Սպեցիան 90+6-րդ րոպեին հաղթանակ կորզեց Միլանի դեմ խաղում🎥

Թրիլլեր «Սան Սիրոյում». Սպեցիան 90+6-րդ րոպեին հաղթանակ կորզեց Միլանի դեմ խաղում🎥

17/01/2022 - 23:46

Իտալական Ա սերիայի 22-րդ տուրի շրջանակում «Միլանը» «Սան Սիրո» մարզադաշտում մրցեց «Սպեցիայի» դեմ։

Հանդիպման հենց մեկնարկից «ռոսոներիները» տիրեցին նախաձեռնությանը և միայն Ռաֆայել Լեաուն միայն 2-3 անգամ կարող էր գրագել մրցակցի դարպասը, սակայն ամեն անգամ ինչ-որ բան չէր հերիքում։

44-րդ րոպեին «Սպեցիայի» դարպասապահ Իվան Պրովեդլը սեփական տուգանային հրապարակում կանոնների խախտում թույլ տվեց Լեաուի նկատմամբ, ինչից հետո հանդիպման գլխավոր մրցավար Մարկո Սերան, դիտելով դրվագի տեսակրկնապատկերը, հյուրերին պատժեց 11-մետրանոցով։

Գնդակին մոտեցավ Թեո Էրնանդեսը, սակայն ֆրանսիացի լատերալի հարվածից հետո գնդակը շեղ ընթացավ։

Ամեն դեպքում, 45+1-րդ րոպեին Ռաֆայել Լեաուն խփեց իր գոլն ու առաջ մղեց «Միլանին»։

Կողմերն ընդմիջման գնացին «Միլանի» նվազագույն առավելության պայմաններում։

Երկրորդ կեսի մեկնարկում էլ Ստեֆանո Պիոլիի սաները վերահսկում էին հանդիպման ընթացքը, սակայն 64-րդ րոպեին «Սպեցիան», ինչպես ամրոպ անամպ երկնքում, հավասարեցրեց խաղի հաշիվը. բազմաքայլ գրոհից հետո աչքի ընկավ րոպեներ առաջ փոխարինման դուրս եկած Կևին Ագուդելոն

Բաց թողած գոլից հետո «ռոսոներիները» նետվեցին առաջ` հաղթանակ կորզելու, այդուհանդերձ տանտերերի խաղում չկար սրություն ու Տիագո Մոտայի սաները պաշտպանվեց անձնուրաց։

Երբ թվում էր` խաղը կավարտվի 1:1 հաշվով, «Սպեցիան» 90+6-րդ րոպեին խաղի վերջին գրոհը վերածեց դարպասի գրավման ու դրամատիկ հաղթանակ կորզեց, իսկ գոլի հեինակ դարձավ Էմանուել Գյասին։

Այսպիսով, «Սպեցիան» 2:1 հաշվով անակնկալ հաղթանակ տոնեց «Միլանի» նկատմամբ, ինչից հետո Տիագո Մոտայի թիմը վաստակեց 22 միավոր և բարձրացավ 14-րդ հորիզոնական։

«Միլանը», 48 միավորով, 2-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022