Ընկերական հանդիպումներ. Բրազիլիան ջախջախեց Հարավային Կորեային🎥

Ընկերական հանդիպումներ. Բրազիլիան ջախջախեց Հարավային Կորեային🎥

02/06/2022 - 18:24

Բրազիլիայի հավաքականը Սեուլում ընկերական հանդիպում անցկացրեց Հարավային Կորեայի ընտրանու դեմ։

«Պենտակամպիոնները» հանդիպման ողջ ընթացքում ունեին տոտալ առավելություն ու մրցակցին ջախջախեցին 5:1 հաշվով։

Տիտեի թիմի կազմից դուբլի հեղինակ դարձավ Նեյմարը, ով երկու անգամ դիպուկ իրացրեց 11-մետրանոցը։

Նշենք, որ 30-ամյա հարձակվողը Բրազիլիայի հավաքականի կազմում խփած գոլերի քանակը հասցրեց 73-ի և կտրուկ մոտեցավ «դեղինների» պատմության լավագույն ռմբարկուին` Պելեին, ով իր անվան դիմաց գրանցել է 77 գնդակ։

Բրազիլացիների կազմից մեկական անգամ էլ աչքի ընկան Ռիչարլիսոնը, Ֆիլիպե Կոուտինիոն ու Գաբի Ժեզուսը։

Հարավային Կորեայի միակ գոլն էլ խփեց Վի Չո Հվանը։

Նշենք, որ «պենտակամպիոններն» իրենց հաջորդ հանդիպումը կանցկացնեն հունիսի 6-ին և Տոկիոյում կմրցեն Ճապոնիայի ընտրանու դեմ։

Հարավային Կորեան էլ նույն օրն ընկերական հանդիպում կնացկացնի Չիլիի հետ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022