Երեք ակումբներ պայքարում են Պոգբայի հետ պայմանագիր կնքելու համար

Երեք ակումբներ պայքարում են Պոգբայի հետ պայմանագիր կնքելու համար

03/06/2022 - 22:37

Ինչպես արդեն հայտնի է, «Մանչեսթեր Յունայթեդի» կիսապաշտպան Պոլ Պոգբան ազատ գործակալի կարգավիճակով հեռանալու է ակումբից։

Ըստ The Telegraph-ի տեղեկությունների` ֆրանսիացի կիսապաշտպանի ծառայություններով հետաքրքրված են ՊՍԺ-ն, «Յուվենտուսն» ու «Ռեալ Մադրիդը»։

Այդուհանդերձ, Պոգբան դեռևս չի շտապում իր ապագայի հարցում և դեռևս չի կողմնորոշվել, թե որ ակումբի կազմում է շարունակելու մրցելույթները։

Նշվում է, որ վերոնշյալ բոլոր ակումբներն էլ առաջարկ են կատարել 29-ամյա ֆուտբոլիստին, սակայն ներկա պահին նրա համար մղվող պայքարում «Յուվենտուսն» առաջ է անցել մրցակիցներից։

Հաղորդվում է, որ «Ռեալը» Պոգբային դիտարկում է որպես այլընտրանքային տարբերակ, եթե ձախողի «Մոնակոյի» կիսապաշտպան Օրելյեն Տչաումենիի տրանսֆերը։

Ինչ վերաներում է ՊՍԺ-ին, ապա փարիզյան ակումբը վաղուց է հետաքրքրված Պոգբայի ծառայություններով։

Հավելենք, որ ինսայդեր Նիկոլո Սկիրան էլ հաստատում է, որ «Յուվենտուսն» ավարտին է հասցրել ֆրանսիացի կիսապաշտպանի տրանսֆերն ու նրա հետ 3 տարվա պայմանագիր է համաձայնեցրել։

«Բյանկոներիները» պատրաստ են Պոգբային վճարել տարեկան 8 մլն եվրո աշխատավարձ, որին հետագայում կավելանա ևս 2 միլիոն։

Հիշեցնենք, որ Պոգբան թուրինյան ակումբի կազմում 2012-16 թթ. արդեն հանդես եկել է։

Ընդ որում` ֆրանսիացի ֆուտբոլիստը հենց «Յունայթեդից» էր համալրել «ծեր սինյորայի» շարքերը ու կրկին ազատ գործակալի կարգավիճակով։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022