Գործարքը կայացած է. Ալեքսանդր Զինչենկոն տեղափոխվում է Արսենալ

Գործարքը կայացած է. Ալեքսանդր Զինչենկոն տեղափոխվում է Արսենալ

19/07/2022 - 00:15

«Մանչեսթեր Սիթիի» պաշտպան Ալեքսանդր Զինչենկոն կարիերան կշարունակի «Արսենալի» կազմում։

Ինչպես հայտնում է ինսայդեր Ֆաբրիցիո Ռոմանոն, երկու ակումբները գործարքի դիմաց հասել են վերջնական համաձայնության։

Ուկրաինացի ֆուտբոլիստը «զինագործների» հետ պայմանագիրը կնքելու է մինչև 2026 թ. հունիսի 30-ը, իսկ լոնդոնյան ակումբը տրանսֆերի դիմաց «քաղաքաբնակներին» կվճարի 30 մլն ֆունտ, որը ներառելու է նաև տարբեր հավելավճարներ։

Սպասվում է, որ 25-ամյա ֆուտբոլիստին վաճառելուց հետո «Մանչեսթեր Սիթին» կփորձի գնել «Բրայթոնի» ձախ պաշտպան Մարկ Կուկուրելիային, ում մանկունյական ակումբի գլխավոր մարզիչ Պեպ Գվարդիալն համարում է որպես Զինչենկոյին փոխարինելու գլխավոր թեկնածու։

Հավելենք, որ Ալեքսանդր Զինչենկոն «Մանչեսթեր Սիթիի» կազմում հանդես էր գալիս 2016 թ. հուլիսից, որի մարզաշապիկով անցկացրել է 127 հանդիպում` դառնալով 2 գոլի և 12 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022