Բարսելոնան ստացել է ֆուտբոլի պատմության ամենախոշոր հովանավորչական առաջարկը

Բարսելոնան ստացել է ֆուտբոլի պատմության ամենախոշոր հովանավորչական առաջարկը

25/01/2022 - 14:36

«Բարսելոնան», հնարավոր է, շուտով տիտղոսային նոր հովանավոր ունենա։

Ինչպես տեղեկացնում է Diaro Sport-ը, ընկերությունը, որի անունը չի բարձրաձայնվում, պատրաստ է կատալոնական ակումբին վճարել տարեկան 80 մլն եվրո, որպեսզի «բլաուգրանասի» բոլոր, այդ թվում նաև` մարզումային մարզաշապիկների վրա հայտնի տվյալ ընկերության անվանումը։

Հատկանշական է, որ եթե կողմերը հասնեն համաձայնության, ապա այն կդառնա ֆուտբոլի պատմության ամենախոշորը հովանավորչական գործարքը։

Նշենք, որ «Բարսելոնայի» ու ակումբի ներկայիս տեխնիկական հովանավորների` Rakuten-ի ու Beko-ի միջև գործող պայմանագրերն ավարտվում են 6 ամսից։

Ընդ որում` Rakuten-ը «բլաուգրանասին» տարեկան վճարում է միայն 55 մլն եվրո, այդ պատճառով էլ «կապտանռնագույնների» նախագահ Ժոան Լապորտան ցանկանում է ավելի շահավետ հովանավոր գտնել ակումբի համար։

Diaro Sport-ին հաջողվել է պարզել նաև, թե Լապորտան այդ հարցում որ ընկերությունների հետ է բանակցություններ վարում ներկա պահին։ Խոսքը VeganNation-ի, Polkadot-ի, Spotify-ի ու Tencent-ի մասին է և բացառված չէ, որ այս ընկերություններից մեկն է «Բարսելոնային» կատարել այդ խոշոր առաջարկը։

Palco23-ն էլ հայտնում է, որ ներկա պահին ամենախոշոր հովանավորչական պայմանագիրն ունի «Ռեալ Մադրիդը», որը Fly Emirates-ից տարեկան ստանում է մոտ 70 մլն եվրո։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022