Բարսելոնան խոշոր գումար է պարտք Մանչեսթեր Սիթիին

Բարսելոնան խոշոր գումար է պարտք Մանչեսթեր Սիթիին

30/09/2022 - 14:02

«Բարսելոնան» Ֆերրան Տորեսի տրանսֆերի հարցում դեռևս չի կատարել ֆինանսական բոլոր պարտավորությունները։

Catalunya Ràdio-ն, հղում կատարելով կատալոնական ակումբի ֆինանսական հաշվետվությանը, հայտնում է, որ «բլաուգրանան» իսպանացի հարձակվողի տրանսֆերի հարցում «Մանչեսթեր Սիթիին» դեռևս պետք է վճարի 52 մլն եվրո։

«Կապտանռնագույնները» 22-ամյա ֆուտբոլիստին գնել են 2022 թ. ձմեռային տրանսֆերային պատուհանի ժամանակ։ Գործարքը «Բարսելոնայի» համար արժեցել է 55 մլն եվրո, որին պետք է ավելանան նաև տարբեր հավելավճարներ։

Աղբյուրի փոխանցմամբ` «Բարսելոնան» գործարքն իրականացնելու պահին «քաղաքաբնակներին» վճարել է միայն 3 մլն եվրո` մանկունյական ակումբի ղեկավարության հետ պայմանավորվելով գումարի մյուս մասը վճարել մի քանի փուլով։

Նշենք, որ Ֆերրան Տորեսը կատալոնական ակումբի կազմում մինչ օրս անցկացրել է 33 հանդիպում` դառնալով 8 գոլի և 7 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022