Ատլետիկոն շուտով կհայտարարի Լիլի պաշտպանի տրանսֆերի մասին

Ատլետիկոն շուտով կհայտարարի Լիլի պաշտպանի տրանսֆերի մասին

25/01/2022 - 13:52

«Լիլի» եզրային պաշտպան Ռեյնալդու Մանդավան շուտով կդառնա «Ատլետիկո Մադրիդի» ֆուտբոլիստ։

Ինչպես տեղեկացնում է հանրահայտ ինսայդեր Ֆաբրիցիո Ռոմանոն, «հնդկացիներն» ավարտին են հասցրել 28-ամյա ձախ պաշտպանի գործարքը. Մանդավան այժմ գտնվում է Մադրիդում և բուժզննում է անցել «Ատետիկոյի» համար։

Սպասվում է, որ մոզամբիկցի ֆուտբոլիստը մադրիդյան ակումբի շարքերը կհամալրի հաջորդ մրցաշրջանից, քանի որ 2022 թ. հունիսի 30-ից հետո դառնալու է ազատ գործակալ։

Նշենք, որ Ռեյնալդու Մանդավան «Լիլի» կազմում հանդես է գալիս 2019 թ. հուլիսից և ակումբի մարզաշապիկով անցկացրել է 87 հանդիպում` դառնալով 1 գոլի հեղինակ։

Ռոմանոն գրում է, որ «Ատլետիկոն» աշխատում է նաև «Վալենսիայի» աջ պաշտպան Դանիել Վասի տրանսֆերն արագ ավարտին հասցնելու ուղղությամբ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022