Բրենթֆորդը պատմություն է կերտում. «մեղուները» անակնկալ հաղթանակ տոնեցին Արսենալի նկատմամբ🎥

Մեկնարկեց անգլիական Պրեմիեր լիգայի նոր` 2021/22 մրցաշրջանը։

1-ին տուրի շրջանակում «Արսենալը» հյուրընկալվելիս մրցեց ԱՊԼ-ում նորամուտը նշող «Բրենթֆորդի» դեմ։

«Բրենթֆորդի» ֆուտբոլիստներն ավելի ակտիվ էին մեկնարկել խաղը և արդեն 12-րդ րոպեին կարող էին բացել խաղի հաշիվը, սակայն Բրայան Մբեումոյի հարվածից հետո գնդակը դիպավ դարպասաձողին։

«Մեղուների» ակտիվությունն իր արդյունքը տվեց արդեն 22-րդ րոպեին, երբ Սերխի Կանոսը հարձակման ձախ եզրից կատարած հիանալի հարվածով գրավեց Բերնդ Լենոյի պաշտպանած դարպասը` խփելով 2021/22 մրցաշրջանում Պրեմիեր լիգայի առաջին գոլը։

Առաջին խաղակեսի մնացած ժամանակահատվածում էլ Թոմաս Ֆրանկի սաներն ավելի լավ տպավորություն էին թողնում, սակայն նախքան ընդմիջման գնալն այլևս գոլեր չտեսանք։

Երկրորդ խաղակեսն էլ մեծամասամբ անցնուն էր «զինագործների» առավելությամբ, սակայն լոնդոնյան ակումբի խաղում չկար սրություն։

Այդ փաստից էլ օգտվեցին «Բրենթֆորդի» ֆուտվոլիստները, ովքեր 73-րդ րոպեին կրկնապատկեցին իրենց առավելությունը, իսկ գոլն իր անվան դիմաց գրանցեց Քրիստիան Նյորգորը։

Խաղարտին մոտ Միկել Արտետայի թիմը կրկին առավելություն ստացավ, ստեղծեց մի շարք իրական գոլային պահեր, սակայն հաշվի մեջ այլևս որևէ փոփոխություն չեղավ։

Այսպիսով, «Բրենթֆորդը» 2:0 հաշվով հաղթեց «Արսենալին»` Պրեմիեր լիգայի շրջանակում ակումբի պատմության առաջին հաղթանակը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am