Պաշտոնական․ Գրինվուդը երկարաձգել է պայմանագիրը Մանչեսթեր Յունայթեդի հետ
16/02/2021 - 16:53
Ինչպես տեղեկացնում է «Մանչեսթեր Յունայթեդի» պաշտոնական կայքը, «կարմիր սատանաները» երկարաձգել են պայմանագիրը թիմի աջ վինգեր Մեյսոն Գրինվուդի հետ։
Նոր պայմանագիրը 19-ամյա ֆուտբոլիստի հետ նախատեսված է մինչև 2025 թվականի հունիսի 30-ը, սակայն պայմանագրում առկա է այն ևս մեկ տարով ավելացնելու կետ։
Անգլիացին մանկունյական ակումբի սան է և հանդես է եկել ակումբի տարբեր տարիքային խմբերում, իսկ հիմնական կազմում անց է կացրել 82 հանդիպում՝ դառնալով 21 գոլի և 10 գոլային փոխանցման հեղինակ։
Ընթացիկ մրցաշրջանում ՄՅՈւ-ի կազմում Գրինվուդը բոլոր խաղերի հաշվարկով մասնակցել է 29 հանդիպման, դարձել 4 գոլի և 5 գոլային փոխանցման հեղինակ։
Հ․Գ․ Միացեք մեր Telegram-ի ալիքին -> https://t.me/Interfootball_am
# Մանչեսթեր-Յունայթեդ, Մեյսոն Գրինվուդ, Պրեմիեր-լիգա