Լինեկեր․ «Մեր բոլոր ժամանկների լավագույն ֆուտբոլիստներից մեկն ավարտեց կարիերան»

15/01/2021 - 22:44

Անգլիայի հավաքականի նախկին հարձակվող Գարի Լինեկերն իր թվիթերյան էջում մեկնաբանել է Ուեյն Ռունիի՝ ֆուտբոլիստի կարիերան ավարտելու և մարզչական կարիերա սկսելու նորությունը (այժմ նա «Դերբի Քաունթիի» գլխավոր մարզիչն է)։

«Մեր բոլոր ժամանկների լավագույն ֆուտբոլիստներից մեկն ավարտեց կարիերան։ Յուրաքանչյուր խաղացողի համար դժվար պահ է, սակայն Ռունին, իրապես, հիանալի կարիերա է ունեցել։ Հուսով եմ՝ նա հաջողության կհասնի նաև խաղադաշտից դուրս՝ «Դերբի Քաունթիի» ղեկին։

One of our all-time great footballers has retired. It’s never an easy moment for any player but @WayneRooney has enjoyed a truly wonderful career on the field. Here’s hoping he’s successful off the pitch with @dcfcofficial. Well played and good luck. 👍🏻
— Gary Lineker 💙 (@GaryLineker) January 15, 2021

Ավելի ուշ Լինեկերը պատասխանել է հետևորդներից մեկի հետևյալ մեկնաբանությանը․ «Ռունին ամեն անգամ դադարել է ֆուտբոլ խաղալ, երբ Անգլիան հանդես է եկել խոշոր մրցաշարում»։

«Իյա, իրո՞ք։ Նա անկրկնելի էր Եվրո-2004-ին Պորտուգալիայում։ Իրականում, Անգլիան կհաղթեր առաջնությունում, եթե Ռունին վնասվածք չստանար»,- պատասխանել է մասնագետը։

Oh really? He was unbelievably good at the Euros in Portugal in 2004. In fact if he hadn’t got injured I believe @England would’ve won the tournament. https://t.co/kfHbTrIq2G
— Gary Lineker 💙 (@GaryLineker) January 15, 2021

Եվրո-2004-ին Ռունին դարձավ Եվրոպայի առաջնությունների եզրափակիչ փուլում գոլի հեղինակ դարձած ամենաերիտասարդ ֆուտբոլիստը՝ դառնալով դուբլի հեղինակ Շվեյցարիայի դեմ խաղում (շուտով այդ ռեկորդը թարմացվեց)։

Սույն առաջնության 1/4 եզրափակչի՝ Պորտուգալիայի դեմ խաղի առաջին խաղակեսում Ռունին վնասվածք ստացավ և փոխարինվեց, իսկ Անգլիայի հավաքականը պարտվեց խաղից հետո նշանակված 11-մետրանոց հարվածաշարով։

Անգլիայի հավաքականի կազմում ընդհանուր առմամբ Ռունին մասնակցել է 120 հանդիպման՝ դառնալով 53 գոլի հեղինակ։Այդ ցուցանիշով նա հավաքականի պատմության լավագույն ռմբարկուն է։

# Անգլիայի հավաքական, Գարի Լինեկեր, Դերբի Քաունթի, Եվրո-2004, Ուեյն-Ռունի