Պաշտոնական․ Կոնտեն մնում է Ինտերի ղեկին
25/08/2020 - 21:18
Ինչպես տեղեկացնում է «Ինտերի» պաշտոնական կայքը, ակումբի գլխավոր մարզիչ Անտոնիո Կոնտեն կշարունակի մնալ իր պաշտոնին։
Նման որոշում կայացվել է Կոնտեի և ակումբի ղեկավարների միջև կայացած հանդիպման ընթացքում, ինչից հետո ակումբը տարածել է հետևյալ հայտարարությունը․
«Ակումբի և Անտոնիո Կոնտեի միջև տեղի ունեցած հանդիպումը համատեղ մարտավարության մշակման առումով կառուցողական ընթացք է ունեցել։ Կողմերը ակումբի հետագա զարգացման համար հիմքեր են դրել»,- մեջբերում է ակումբի պաշտոնական կայքը։
Հիշեցնենք, որ Անտոնիո Կոնտեն միլանյան ակումբի գլխավոր մարզիչ է նշանակվել 2019/20։ Ա սերիայի ավարտված մրցաշրջանում «Ինտերը» զբաղեցրեց երկրորդ հորիզոնականը, ինչպես նաև հասավ Եվրոպա լիգայի եզրափակիչ, որի շրջանակում 2։3 հաշվով զիջեց «Սևիլիային»։